COVID-19

COVID-19 Yeni Rəqəmsal Anticisim Testi

Yeni rəqəmsal SARS-CoV-2 anticisim testi, Şiddətli Kəskin Tənəffüs Sindromu Koronavirus-2-yə (SARS-CoV-2) yoluxma və ya vaksinasiyadan sonra formalaşan immunitetin səviyyəsini müəyyən etmək üçün əhəmiyyətli rol oynaya bilər.

Test spesifik olarak, virusun sahib orqanizmə daxil olması və hüseyrə reseptorlarına birləşməsindən cavabdeh olan spike (S) proteininin müəyyən bölgəsinə yönəlmiş anticisimləri hədəf alır. Mövcud vaksinlərin əksəriyyətinin məqsədi spike (S) proteininə qarşı anticisim cavabı formalaşdırmaqdır.

SARS-CoV-2 vaksinin təsirinin qiymətləndirilməsində anticisimlərin kəmiyyət ölçülməsi çox əhməmiyyətlidir. Buna görə yeni rəqəmsal SARS-CoV-2 anticisim testi vaksinin klinik tədqiqatlarında əhəmiyyətli rol oynayacaq və klinisistlərin xəstələrin immun sistemini qiymətləndirilməsində kömək edəcək. Beləliklə virusa qarşı ən müdafiəsiz şəxsləri qorumaqla birlikdə ümumiyyətlə cəmiyyət üçün COVID-19-un öhdəsindən gəlmək üçün təsirli olacaq. Bu yeni test COVID-19 ilə mübarizə etdiyimiz bu dövrdə səhiyyə sistemlərini və xəstələri dəstəkləmək üçün də başka bir əhəmiyyətli faktordur.

Peyvənd vurulmadan öncə, şəxsin qanındakı anticisimlərin başlanğıc səviyyəsinin bilinməsi, vaksinin səbəb olduğu anticisim səviyyəsindəki hər hansı bir dəyişikliyi, xüsusilə SARS-CoV-2 Spike Proteininə məxsus anticisimlərinin inkişafının qiymətləndirilməsi üçün çox əhəmiyyətlidir. Əmələ gələn bu anticisimlərin güclü antivirus aktivliyə malik olduğu və/və ya şiddətli COVID-19 inkişafında peyvənd effektivliyinin yaranmasında vacib ola bilər.

Peyvəndin inkişafı və effektivliyin qiymətləndirilməsindəki əhəmiyyətinə əlavə olaraq, yeni COVID-19 testi plazmaferez donorlarında anticisim səviyyəsini təyin etmək üçün də istifadə edilə bilər.

Yeni anticisim testi, COVID-19 ilə mübarizədə ən son inkişaf etdirilən laborator testdir.

III mərhələdəki və ya məhdud/erkən istifadə üçün təsdiqlənmiş bütün namizəd peyvəndləri SARS-CoV-2 spike zülalına qarşı anticisim cavabı formalaşdırmağı hədəfləyir. SARS-CoV-2 üçün hazırlanan peyvəndlərin məqsədi, vaksin vurulan insanda neytrallaşdırıcı anticisimlərin inkişafı üçün immun reaksiyanı (eləcə də digər mexanizmlər) başlatmaqdır. Peyvənd bunu edərkən, orqanizmin immun sistemini gerçək virusa məruz qalmadan nəzarət altında SARS-CoV-2-ni tanıması və onunla mübarizə aparmaq üçün öyrədir.

Yeni COVID-19 anticim testi, insanın qan zərdabında və plazmasında SARS-CoV-2 əleyhinə anticisimlərin aşkarlanması üçün istifadə olunan kəmiyyət immun-testidir. Alınan qan nümunəsindən koronavirusun spike zülalına qarşı anticisim miqdarını ölçməklə, şəxsin əvvəllər yoluxmasını və virusa qarşı formalaşmış immunitetin varlığını müəyyən etmək mümkündür. Bu plazmaferez donorlarında anticisim səviyyəsini təyin etmək üçün də istifadə oluna bilər. Plazmaferez ilə xəstənin qanından plazma ayrılır, əvəzinə uyğun donordan plazma alınaraq köçürülür. SARS-CoV-2 əleyhinə anticisimləri olan donordan alınaraq köçürülmüş plazmanın xəstə üçün virusəleyhinə xüsusiyyətlərə sahib olacağı ehtimal olunur. Bu, COVID-19-un idarə edilməsində əlavə müalicə kimi araşdırılır.

Test, PCR ilə diaqnoz qoyulduqdan 14 gün və ya daha çox sonra, 99.98% yüksək klinik spesifiklik və 98.8% həssaslığa malikdir.

COVID-19

PCR (PZR) testi nədir?

COVID-19 xəstəliyi yayıldıqdan sonra ən çox adı çəkilən testlərdən biri də PZR (Polimeralı Zəncirvari Reaksiya) oldu. PZR (PCR) virusların molekulyar diaqnostikasında da istifadə edilən mikrobioloji müayinə metodlarından biridir. Bu üsulla yuxarı tənəffüs yollarından götürülmüş materialda (şəxsdə) virusun olub-olmadığı müəyyən edilir. Həmçinin koronavirus infeksiyasına yoluxmuş, heç bir əlaməti olmasa da virusu aktiv şəkildə daşıyan şəxslərin müəyyən edilməsinə imkan verir.

PZR (PCR) testi hansı xəstəliklərin təyinində istifadə edilir?

PZR (PCR) testi son zamanlar ən çox COVID-19-un təyinində istifadə edilməsinə görə populyarlaşsa da, virusların, parazitlərin və bakteriyaların təyinində geniş istifadə edilir.

PZR və anticism təyini testləri arasındakı fərq nədir?

Anticism testləri şəxsin daha əvvəl virusa yoluxub-yoluxmadığını və ona qarşı immunitetin yaranıb-yaranmadığını öyrənmək üçün istifadə edilən üsuldur. Yəni, şəxsin analiz verdiyi vaxt xəstə olub-olmadığı məlum olmaya bilər. Bu test PZR-dən fərqli olaraq dirsək venasından götürülmüş qan nümunəsi ilə həyata keçirilir. COVID-19 virusuna qarşı qanda daha çox 2 tip anticism əmələ gəlir: IgM və IgG.

IgM və IgG-nin müsbət və ya mənfi olması nə deməkdir?

– IgM müsbət, IgG mənfi olduqda, şəxsin infeksiyaya yoluxduğu, xəstəliyin başlanğıc dövrdə olduğunu göstərir;

– IgM mənfi və IgG müsbət olduqda, şəxsin daha əvvəl xəstəliyə tutulub, sağaldığı və immunitetin yarandığını göstərir;

– IgM və IgG hər ikisi müsbət olduqda, xəstəliyin 10-14-cü günündə olduğunu göstərir.

Qeyd edək ki, COVID-19 anticism nəticələri portala daxil edilmir.

Elmi məqalələr

Amiloid

Amiloid adlanan zülalların həll olmayan aqreqatlarının orqanlarda çox miqdarda toplanması ilə yaranan xəstəliyə amiloidoz deyilir.

Amiloidoz daha çox
Ürək,
Böyrək,
Qaraciyər,
Dalaq, sinir və
Mədə-bağırsaq sisteminə təsir göstərir.

Nadir rast gəlinən xəstəlik olub, adətən səbəbi məlum olmur. Xroniki dializ xəstələrində də müşahidə oluna bilər.

Elmi məqalələr

Transferrin

Transferrin (Siderofilin) dəmir daşıyıcı zülaldır. Quruluşunda Fe+3 üçün yüksək affinliyə malik iki bağlanma bölgəsi var. Dəmir birləşdirmə qabiliyyəti (Total Dəmir Birləşdirmə Qabiliyyəti, TİBC) bu zülalın dəmir birləşdirmə dərəcəsinə bağlıdır.

Normal halda birləşmə bölgələrinin hamısı dolu olmur. Yalnız 30%-ə qədərinə dəmir birləşir. Doyma qabiliyyəti kəskin dəmir çatışmazlığı zamanı 16% dən də aşağı düşərkən, izafi dəmir yükləməsi zamanı isə 45% dən yüksək olur.Transferrin neqativ kəskin faza zülalı olub iltihab, xərçəng və bəzi xəstəliklərdə səviyyəsinin azaldığı müşahidə olunur.

COVID-19

COVID-19 pasportu haqqında ümumi məlumat

COVID-19 pasportunun iki növü var: “COVID-19 vaksin sertifikatı” və “COVID-19 immunitet sertifikatı”.

“COVID-19 vaksin sertifikatı” COVID-19 xəstəliyi əleyhinə vaksinasiya olunanlara (iki dozada), “COVID-19 immunitet sertifikatı” isə xəstəliyə yoluxub sağalmış şəxslərə verilir.

Sözügedən sertifikatları əldə etmək üçün İcbari Tibbi Sığorta üzrə Dövlət Agentliyinin rəsmi internet səhifəsində E-xidmətlər bölməsinin “Şəxsi Kabinetə giriş” (https://kabinet.its.gov.az/az/index) altbölməsi seçilməlidir. Bu bölmə “MyGov” portalına da əlavə edilmişdir.

“Digər xidmətlər” bölməsinə daxil olduqda ekranda “COVID-19 vaksin sertifikatı” və ya “COVID-19 immunitet sertifikatı” seçimləri əks olunur.

Əgər vətəndaş vaksin olunubsa “COVID-19 vaksin sertifikatı”, xəstəliyə yoluxub-sağalmışsa “COVID-19 immunitet sertifikatı” seçimini etməlidir.

Bu zaman təqdim olunan COVID-19 pasportunu elektron formatda yükləmək, eləcə də çap versiyada əldə etmək olar. Qeyd edək ki, COVID-19 pasportunun doğruluğunun sənəddə əks olunan “QR Code” vasitəsi ilə yoxlanılması da mümkündür.

Əlavə olaraq bildirək ki, vətəndaşlar COVID-19 pasportunu “E-Təbib” mobil tətbiqi vasitəsi ilə də əldə edə bilərlər.

Son 6 ay ərzində TƏBİB-in rəsmi sistemində COVID-19 nəticəsi pozitiv olan şəxslər E-Təbib proqramında qeydiyyatdan keçib sertifikat əldə edə bilərlər. COVID-19 pozitiv statusunuzdan 6 aydan çox müddət keçibsə, sizə sertifikat təqdim olunmayacaq.

Qeyd! Bu material İcbati Tibbi Sığorta üzrə Dövlət Agentliyinin yaydığı məlumata əsasən hazırlanıb.

COVID-19

Koronavirus nədir?

Koronavirus (latınca – Coronaviridae) genomu məməlilərdə və quşlarda xəstəliyə səbəb olan RNT-dən ibarət viruslar ailəsi olub, 40 növə malikdir. Bu virus insanlara da məhz heyvanlardan keçir və hazırda insanlara yoluxmayan, ancaq heyvanlarda rast gəlinən bir çox koronavirus növü mövcuddur. İnsanlarda ilk dəfə koronavirusa 1960-cı ildə rast gəlinib. Koronavirusun bir neçə növü insanlarda yüngül yuxarı tənəffüs yolları xəstəliklərinə, SARS-CoV, MERS-CoV kimi viruslar isə daha ciddi tənəffüs yolları xəstəliklərinə səbəb olur. 2019-cu ilin sonunda Çinin Uhan şəhərində ortaya çıxan SARS-CoV-2 virusu isə COVID-19 xəstəliyinə səbəb olur.

 

COVID-19 xəstəliyinin əsas əlamətləri hansılardır?

Bu virus insandan-insana hava damcı yolu ilə ötürülür. Koronavirusun ümumi simptomları aşağıdakılardır:

– öskürək;

– yüksək hərarət;

– əzələ və oynaq ağrısı;

– dad və qoxu itkisi;

– nəfəs darlığı.

Bunlar ən çox rast gəlinən simptomlar olsa da, bəzi hallarda daha az görülən simptomlar ola bilir.

– boğaz ağrısı;

– baş ağrısı;

– ishal, ürəkbulanma və qusma;

– barmaqların və ayaqların rənginin dəyişməsi.

 

Kimlər risk altındadır?

65 yaşdan yuxarı, xroniki xəstəlikləri və artıq çəkili insanlar risk qrupuna daxildir. Bundan başqa aşağıda qeyd olunan xəstəliklər qrupuna daxil olan şəxslər koronavirusdan qorunmaq üçün daha diqqətli olmalıdırlar:

– onkoloji xəstəliklər;

– ürək çatışmazlığı;

– xroniki böyrək çatışmazlığı;

– KOAH (Xroniki Obstruktiv Ağciyər Xəstəliyi);

– bədən kütlə indeksi (BKİ) 30 və ya daha yüksək olan insanlar;

– tip 2 şəkərli diabet.

Bununla birlikdə, yalnız risk qrupunda daxil olan insanlar deyil, hər kəs qoruyucu tədbirlərə riayət etməlidir.

 

COVID-19 və qrip virusu bir-birindən necə fərqlənir?

Hər iki virusun ümumi simptomları hərarət, öskürək, burun axıntısı, nəfəs darlığı, halsızlıq, boğaz, oynaq və baş ağrısıdır. COVID-19-da qripdən fərqli olaraq ishal, ürəkbulanma, qusma, qoxu və dad hissinin itməsi daha aydın görünür. Bu simptomlar müşahidə edildikdə vaxt itirmədən təcili yardıma və ya mütəxəssisə müraciət etmək vacibdir.

Xəbər

Bir zənginizlə qapınızdayıq!

Səhhətinizlə bağlı ciddi problem var və buna görə evdən çıxa bilmirsiniz? Övladınızı əmanət edə biləcəyiniz kimsə yoxdur? Tıxacda və xəstəxanalarda növbə gözləməyə səbriniz çatmır? Elə isə biz qapınıza gələk!
‍‍İNCİ Laboratoriyaları sizə evdən (ofisdən) çıxmadan laborator xidmətləri təklif edir. Kiçik cərrahi müdaxilə tələb etməyən bütün analizlər (COVID-19 PZR daxil) ünvanda xidmət zamanı götürülür.

Bir zənginizlə qapınızdayıq!

Əlaqə nömrələri və ünvanlarımız:

 MƏRKƏZ FİLİALI
Ünvan: Bakı ş., Bül-Bül pr., 58G,

Tel.: (+99412) 493-80-47/48
Mob.: (+99451) 229-49-80

HB GÜVEN FİLİALI
Ünvan: Bakı ş., Atatürk pr., 3078 (HB GÜVEN KLİNİKASI)
Tel.: (+99412) 436 14 96
Mob.: (+99451) 229-49-76

SUMQAYIT FİLİALI
Ünvan: Sumqayıt ş., 12-ci mkr, Çerkassı k.181 (SUMQAYIT HOSPİTAL)
Tel.:: (+99418) 656-82-55/05
Mob.: (+99451) 229-49-77

GƏNCƏ FİLİALI
Ünvan: Gəncə ş., 28 Мау küç., 23 (YENİ GƏNCƏ TİBB MƏRKƏZİ)
Tel.: (+99422) 254-34-77
Mob.: (+99451) 229-49-75

İnci Müalicə Diaqnostika Mərkəzi
Ünvan: Tovuz r., Abulbəyli kəndi
Tel.: (+99422) 315-01-61
Mob.: (+99451) 229-49-72

 

COVID-19

COVID-19 PEYVƏNDLƏRİ HAQQINDA HƏQİQƏTLƏR

Sual: COVID-19 vaksini məni COVID-19 xəstəsi edə bilərmi?
Cavab: Xeyr. Ölkəmizə (planlaşdırılan) gətirilməsinə icazə verilən və tövsiyə olunan və ümumiyyətlə COVID-19 vaksinlərinin heç birində bu infeksiyaya səbəb olacaq canlı virus yoxdur. Bu o deməkdir ki, COVID-19 vaksini sizi COVID-19 xəstəsi edə bilməz.
Hazırda inkişaf etdirilən bir neçə müxtəlif vaksin növü var. Bunların hamısı immun sistemlərimizə COVID-19-a səbəb olan virusu necə tanımağı və onlarla mübarizə aparmağı öyrədir. Bəzən bu proses qızdırma kimi simptomlara səbəb ola bilər. Bu simptomlar normaldır və bədənin COVID-19-a səbəb olan virusa qarşı qorunma yaratdığına işarədir.
Peyvənddən sonra orqanizmdə immunitetin formalaşması (COVID-19-a səbəb olan virusa qarşı qorunma) bir neçə həftə çəkir. Bu o deməkdir ki, bir insanın peyvənddən dərhal əvvəl və ya dərhal sonra COVID-19-a səbəb olan virusa yoluxması və hələ də xəstələnməsi mümkündür. Bunun səbəbi peyvənd vurulduqdan sonra qorunmanı təmin etməsi üçün (immunitetin əməl gəlməsi) kifayət qədər vaxtın keçməməsidir.

Sual: COVID-19 vaksini vurulduqdan sonra, virus testlərində COVID-19 üçün pozitiv nəticəm olacaqmı?
Cavab: Xeyr. Nə yaxınlarda icazə verilmiş və tövsiyə olunan peyvəndlər, nə də hazırda dünyada aparılan klinik sınaqlarda olan digər COVID-19 vaksinləri, hazırda infeksiyanız olub-olmadığını yoxlamaq üçün istifadə olunan virus testlərində nəticənizin müsbət olmasına səbəb ola bilməz.
Orqanizminiz-vaksinasiyanın məqsədi olan immunitet reaksiyasını inkişaf etdirərsə-bəzi anticisim testlərində müsbət nəticə ehtimalı var. Anticisim testləri əvvəllər infeksiya keçirdiyinizi və virusa qarşı müəyyən dərəcədə qorunma ehtimalının olduğunu göstərir. Mütəxəssislər hazırda COVID-19 vaksinin anticisim test nəticələrinə necə təsir edə biləcəyini araşdırır.

Sual: Əgər əvvəllər COVID-19 xəstəliyi keçirib-sağalmışamsa, vaksin vurdurmalıyammı?
Cavab: Bəli. COVID-19 ilə əlaqəli ciddi sağlıq risqləri və COVID-19 ilə yenidən yoluxmanın mümkünlüyünə görə, bu infeksiya ilə yoluxub-yoluxmamamğınızdan asılı olmayaraq vaksinasiya olunmağınız tövsiyyə olunur. Hazırda mütəxəssislər COVID-19-dan sağaldıqdan sonra təkrar xəstələnməyə qarşı nə qədər qorunduğunu bilmirlər. təbii immunitet adı verilən infeksiyadan əldə olunmuş immunitet fərdi xüsusiyyət daşıyır və şəxslərə görə dəyişə bilər. Bəzi erkən dəlillər təbii immunitetin çox uzun davam edə bilməyəcəyini göstərir. Vaksinlərin nə qədər effektiv olacağına dair daha çox məlumata sahib olana qədər vaksinasiyanın yaratdığı immunitetin nə qədər davam edəcəyini deyə bilmərik. Həm təbii, həm də vaksinasiya ilə formalaşmış immunitet COVID-19-un mütəxəssislərin daha çox məlumat öyrənməyə çalışdığı istiqamətlərdir və yeni dəlillər tapıldıqca müvafiq qurumlar tərəfindən elan ediləcəkdir.

Sual: COVID-19 vaksini məni bu infeksiya ilə xəstələnməkdən qoruyacaqmı?
Cavab: Bəli. COVID-19 vaksini, immun sisteminizə bu infeksiyaya səbəb olan virusu necə tanıyacağını və onunla necə mübarizə aparmaq lazım olduğunu öyrədərək işləyir və bu sizi COVID-19 ilə xəstələnməkdən qoruyur. Xəstəlikdən qorunma çox əhəmiyyətlidir, çünki COVID-19-lu bir çox insanda yüngül xəstəlik olsa da, digərləri ciddi xəstəliyə yaxalana bilər, uzun vədədə sağlamlıq problemlərinə və ölümə səbəb ola bilər. Ciddi ağırlaşmaların inkişaf etmə riski olmasa da, COVID-19-un sizə necə təsir edəcəyini əvvəldən proqnoz etmənin bir yolu yoxdur.

Sual: COVID-19 vaksinlərinin fərqləri nədir?
Cavab: Bütün bu vaksin növləri COVID-19 infeksiyasına səbəb olan virusu immun sistemimizə daha güvənli tanıtmağı və yox etməyi öyrədəcək formada hazırlanmışdır.
• Xəstəliyə səbəb olmayan, lakin immun cavab formalaşdıran təsirsiz hala salınmış virusdan ibarət vaksinlər (inaktiv vaksinlər)
• Xəstəliyə səbəb olmayan, lakin immun cavab formalaşdıran zəiflədilmiş virusdan ibarət vaksinlər (canlı zəiflədilmiş vaksinlər)
• Etibarlı immun cavab formalaşdırmaq üçün COVID-19 virusunun quruluşunu təqlid edən zülal hissəciklərini istifadə edən zülal əsaslı vaksinlər
• Etibarlı immun cavab formalaşdırmaq üçün COVID-19 virusunun RNT hissəciklərini daşıyan, xəstəlik əmələ gətimə xüsusiyyəti olmayan virus əsaslı virus vektor vaksinləri.
• Özbaşına etibarlı immun cavab formalaşdıran zülal sintez etmək üçün genetik hazırlanmış RNT və DNT hissəciklərini istifadə edən son texnologiya məhsulu olan m-RNT və DNT vaksinləri

Sual: COVID-19 vaksini DNT-mi dəyişdirə bilərmi?
Cavab: Xeyr. COVID-19 mRNT (messenger-məlumat RNT) vaksinləri DNT-nizlə heç bir şəkildə dəyişməz və qarşılıqlı təsirə girməz. mRNT vaksinləri mRNT vaksini adlandırılır. mRNT vaksinləri hüceyrələrimizdə immune cavabı tətikləyən bir zülalın necə sintez olunacağını öyrədir. COVID-19 vaksinindən alınan mRNT, DNT-nin yerləşdiyi hüceyrə nüvəsinə əsla daxil olmur. Bu mRNT-nin DNT-mizə heç bir formada təsir etməyəcəyi və qarşılıqlı əlaqəyə girməyəcəyi deməkdir. Bunun əvəzinə COVID-19 mRNT vaksinləri xəstəliyə qarşı etibarlı immunitet formalaşdırmaq üçün orqanizmin təbii müdafiə sistemləri ilə birlikdə işləyir.
Bu proseslərin nəticəsi olaraq vücudumuz gələcəkdəki infeksiyalardan necə qorunacağını öyrənir. Həqiqi virus orqanizmə daxil olsa belə bizi infeksiyadan qoruyan immun cavab və anticisim sintezidir.

Mənbə: https://www.cdc.gov/coronavirus/2019-ncov/vaccines/facts.html

Xəbər

Quantiferon

Quantiferon –TB Gold Plus (QFT-Plus)

Uzun illərdir ki, tuberkulin dəri testi (TDT, Mantu testi), latent vərəm infeksiyası üçün skrininqdə köməkçi vasitə kimi istifadə olunur.
Bununla birlikdə, bu testin tətbiqindəki bəzi çatışmazlıqlar alternativ metodların axtarışı və işlənməsini zəruri etdi.
QuantiFERON-TB Gold testi Tuberkulin dəri testinə (Mantoux test, Mantu) alternativ olaraq yaradılmış T-hüceyrə əsaslı testdir.
Mycobacterium tuberculosis complex antigenlərinə qarşı in-vitro şərtlərdə IFN-γ ifrazının təyin olunmasına əsaslanır.

Qeyd edək ki, Quantiferon –TB Gold Plus (QFT-Plus) testi QIAGEN kitləri vasitəsilə İnci Laboratoryalarında həyata keçirilir.

Antigen olaraq Mycobacterium tuberculosis complex spesifik ESAT-6, CFP-10-a əlavə olaraq isə TB7.7 antigeni də istifadə edilmişdir

Bu test vərəmin diaqnostikasında son 100 ildə ən vacib yeniliklərdən biri hesab olunur. Sadə, dəqiq, etibarlı və spesifik vərəm diaqnozu testi hesab edilir. Test həm aktiv xəstəliyi, həm də latent Vərəm infeksiyasını (LTBI) müəyyənləşdirir, lakin bunları ayırd etmir.

Müsbət nəticə vərəm xəstəliyini dəstəkləyir, lakin diaqnozun təsdiqlənməsi üçün digər vərəm diaqnostik testləri (AARB, bəlğəmin əkilməsi, rentgenoqrafiya) də aparılmalıdır. Vərəm infeksiyalarının diaqnozu üçün qızıl standart,bəlğəmin əkilməsidir

QuantiFERON-TB Gold testinin fərqi və üstünlükləri
Mantu testi yanlış pozitiv nəticələr verə bilər.
–BCG peyvəndi olanlarda,
–atipik mikobakteriyalara yoluxanlarda,
Tətbiqində və qiymətləndirmədə xətalar görülə bilir

Üstünlükləri:
İnvitro şəraitdə tətbiq olunur və pasientərdə qalıcı antigenik təsir (booster reaksiyası) yaratmır
Metodunda birdən çox antigen istifadə edilir
Nəticələr onu dəyərləndirən mütəxəssisə görə dəyişmir
Spektrofotometrik ölçülür
Prosedur bir dəfə yerinə yetirilir və xəstəni bir daha görməyə ehtiyac yoxdur
Mycobacterium tuberculosis complex üçün spesifikdir
Nəticələr 24 saat ərzində əldə edilir
BCG tərəfindən peyvənd olunanlarda və atipik mikobakterial infeksiyalardan təsirlənmir
Nəticələr POSITIVE / NEGATIVE verilir

Don`t copy text!